Xuraman Muradova "Nə vaxtsa yada düşərəm..."

Nə vaxtsa yada düşərəm,

Gözlərinə duman gələr.

Qəlbin sükut ilə dolar,

Gerçəklərin güman gələr.

Bir mahnı, bir baxış, bir səs,

Məni sənə xatırladar...

O anda anlayarsan ki,

Sevən könlün olub qübar.

Bir zaman dəli tək sevdin,

O sevgini xatırlarsan.

Keçmişin izlərinə sən

Kövrəlib, dolub ağlarsan.

Köks ötürüb o sevgiyə

Bir xoşbəxtlik arzularsan…

Xəyalların sıxar səni

Həsrətinlə barışarsan…

Həsrətinlə barışarsan…