Xuraman Muradova - Hüzuru tapmışam

Gedən getsin bu dünyamdan, uca Rəhmanı tapmışam,
Təklik qorxusu bitmişdir, dərin imanı tapmışam.

Könül azad olub dərddən, təmiz vicdanı tapmışam,
Bizi tərk eyləməz Xaliq, uca sultanı tapmışam.

Özüm bildim, özüm duydum, tükənməz canı tapmışam,
Həqiqi sevgi qoynunda gözəl dövranı tapmışam.

Ruhum, qəm çəkmə əsla sən, bu dünya gəldi-gedərdir,
İlahi lütfə sığındım, o haqq fərmanı tapmışam.

Xuraman, parlayar nurun, Yaradan tək qoyarmı heç?
Şükür olsun uca Rəbbə, hüzur ünvanın tapmışam.