Xuraman Muradova - KEÇMİŞİN İZİ, SABAHIN SÖZÜ

Keçmişi siləcək bir silgi yoxdur bu dünyada, bil;
Gələcəyi yazan bir qələm vardır, ona meyl et, könül!

Neçə ah çəksən də dönməz ötən günlər geriyə;
Taleyini səbirlə yaz, təslim olma heç vaxt qəmə.

Keçmişini danan insan öz kökündən qopub gedər;
İnamla qur sabahını, hər gün bir ümid gətirər.

Silgi yoxdur keçmiş üçün, lakin ümid sönməz bir nur;
Qələm yaradanda çalış öz bəxtini  şərəflə qur!