6-cı Türk Dünyası Ədəbiyyat və Kitab Festivalı

6-cı Türk Dünyası Ədəbiyyat və Kitab Festivalı çərçivəsində 10 kitabımla iştirak etmək mənim üçün böyük mənəvi dəyər və qürur hissidir.

Bu festivalda yer almaq təkcə müəllif olaraq şəxsi uğur deyil, həm də Türk dünyasının ortaq mədəni yaddaşına və mənəvi birliyinə verilən töhfənin bir hissəsi olmaq deməkdir.

İnanıram ki, bizi bir-birimizə bağlayan ən böyük qüvvə ortaq tariximizdən, dilimizdən, ədəbiyyatımızdan və mədəniyyətimizdən doğan mənəvi bağlılıqdır. Çünki kitab sadəcə nəşr deyil — kitab xalqları birləşdirən körpü, milli yaddaşı yaşadan mənəvi sərvət və gələcəyə uzanan işıqdır.

Bu gün Türk dövlətlərinin eyni mədəni platformada bir araya gəlməsi bir daha göstərir ki, təməlində mədəniyyətin dayandığı əlaqələr Türk dünyasında birlik və bərabərliyin daha da möhkəmlənməsinə xidmət edir.

Qürur duyuram ki, kitablarımla bu böyük mənəvi yolun bir parçasına çevrilə bilirəm.

✍️ Xuraman Muradova